وطني الكبير
ــ ــ ــ ــ ـــــــــــــــــــــــــــــــــ ــ ـ ـ ـ ـ
للشاعر عباس الطيب الهادي
يا وطني الكبير تحيا وتعيش لينا
ترعاك العناية ونسعد في وادينا
--------------------
الشعب العظيم الليلة هبّ وثار
والزحف المقدس قادوا في إصرار
صادق في كلاموا وقال نخوص النار
ونقابل بالصدور المدفع الهدار
--------------------
عاش الشعب عاش لحماية الأوطان
سـودانية سود ما بـهيـة ما ألـوان
بنقيف في الحدود ونقابل النيران
ونثبت كالجبال لي نصرة السودان
--------------------
يا وطني الكبير وطن الأبو والجد
حالفين بي يمين لازم نقيف في الحد
الــوطـن الـعزيــز بنيانو ما بـنـهـد
والنيل صافي جاري وبي هينة ما بنسد
--------------------
نحن أولاد بلد سودانا ما بندي
بالسيف والقلم والراي دوام نحمي
شن صعب الأمر أيانا راكزين لي
ولو النار ولعت الحر بصون وادي
--------------------
وطني بمجدو علي سائر الاوطان
وبرفعو في زحل في أعلي اعلي مكان
جـيشـك منـتـصر لاشـك يـا سـودان
وبهتف ليك دوام فلتحيا يا سودان