ﺣﺎﻝ ﺍﻟﺪﻧﻴﺎ !!
ﻣﺤﻞ ﻣﺎ ﺗﻘﺒﻞ ... ﺗﻠﻘﻰ ﺍﻟﻨﺎﺱ ﺍﻟﻨﺴﺖ ﺍﻟﻌﺸﺮﺓ ﻭﺑﺎﻋﺖ ﻓﻀﻠﻚ
ﻟﻠﻨﻜﺮﺍﻥ ﻭﺗﻠﻘﻰ ﺍﻟﻨﺎﺱ ﺍﻟﺘﻄﻌﻦ ﺿﻬﺮﻙ ﺭﻏﻢ ﺟﻤﺎﻳﻠﻚ ﻓﻴﻬﺎ ﺯﻣﺎﻥ
ﻭ
ﺗﻠﻘﻰ ﺍﻟﻨﺎﺱ ﺍﻟﺘﺎﻛﻞ ﻟﺤﻤﻚ ﻭﺗﻤﻀﻎ ﺳﻴﺮﺗﻚ ﺑﺎﻟﺒﻬﺘﺎﻥ ﻭﺗﻠﻘﻰ
ﺍﻟﻨﺎﺱ ﺍﻟﺨﺎﻧﺖ ﻋﻬﺪﻙ ... ﻭﻓﺘﺤﺖ ﺑﺎﺑﻚ ﻟﻠﺨﺬﻻﻥ ﻭﺗﻠﻘﻰ ﺍﻟﻨﺎﺱ
ﺍﻟﻘﺎﺻﺪﺓ ﺗﻀﺮﻙ ... ﻭﺗﺮﻣﻰ ﻣﻼﻣﺔ ﻋﻠﻰ ﺍﻟﺸﻴﻄﺎﻥ ﻭﺗﻠﻘﻰ ﺍﻟﻨﺎﺱ
ﺍﻟﺘﺴﺮﻕ ﻋﺮﻗﻚ ... ﻭﺗﺘﺮﻙ ﻭﻟﺪﻙ ﻟﻠﺤﺮﻣﺎﻥ ... ﻭﺗﻠﻘﻰ ﺍﻟﺤﺎﻟﻪ
ﺍﻟﺼﻌﺒﻪ ﺍﻟﺪﺍﻳﻤﻪ ...ﻭﺗﻌﺮﻑ ﺇﻧﻚ ﻓﻰ ( ﺍﻟﺴﻮﺩﺍﻥ) !!!!!
*******
ﻣﺤﻞ ﻣﺎﺗﻘﺒﻞ .. ﺗﻠﻘﻰ ﺍﻟﻨﺎﺱ ﺍﻟﺸﺎﻳﻔﻪ ﻋﻴﻮﺑﻚ ﻭﻧﺎﺳﻴﻪ ﻋﻴﻮﺑﺎ
ﻭﻋﺎﻣﻠﻪ ﺷﺮﻳﻔﻪ !! ﻧﺎﺱ ﺍﻛﺎﻟﻪ .. ﻭﻧﺎﺱ ﻧﻜﺎﺭﻩ .. ﻭﻧﺎﺱ
ﻣﺤﺘﺎﻟﻪ ...ﻧﻔﻮﺳﺎ ﺿﻌﻴﻔﻪ ؛ ﻧﺎﺱ ﻏﺪﺍﺭﻩ .... ﻭﻧﺎﺱ ﺣﻘﺎﺭﻩ ...
ﻭﻧﺎﺱ
ﻓﻰ ﺍﻟﻐﺶ ﻭﺍﻟﻠﻪ ﺣﺮﻳﻔﻪ ﻧﺎﺱ ﻗﺪﺍﻣﻚ ﺗﺒﺴﻢ ﺭﺍﺿﻴﻪ ... ﻭﻧﺎﺱ
ﺑﻮﺭﺍﻙ ﺃﻋﻤﺎﻻ ﻣﺨﻴﻔﻪ ﻧﺎﺱ ﻣﻠﻴﺎﺍﺍﺍﺍﺍﻧﻪ ﺳﻮﺍﺩ ﻭﻗﺬﺍﺭﻩ .... ﻭﻋﺎﻣﻠﻪ
ﻧﻀﻴﻔﻪ !!
*****
ﻭﺷﻮﻑ ﺍﻟﻨﺎﺱ ﺍﻟﺪﻳﻤﻪ ﺗﺼﻠﻰ ﻭﻟﻴﻬﺎ ﺩﻗﻮﻥ ! ﺷﺎﻳﻠﻪ ﻣﺴﺎﺑﺢ ﻓﻰ
ﺇﻳﺪﻳﻬﺎ ....ﻭﺫﻛﺮ ﺍﻟﺨﺎﻟﻖ ﻓﻰ ﺷﻔﺘﻴﻬﺎ .... ﻭﺑﺮﺿﻮ ﻛﻼﻣﻬﻢ ﻣﺎ
ﻣﻀﻤﻮﻥ ! ﺗﺴﺮﻕ ﻭﺗﻨﻬﺐ .... ﺗﻀﺤﻚ ﻭﺗﻠﻌﺐ .... ﻭﻋﺎﺍﺍﺍﺩﻯ
ﺗﺨﻮﻥ
ﺗﻜﺸﻒ ﺳﺘﺮﻙ .... ﻭﺗﻔﻀﺢ ﺃﻣﺮﻙ ... ﻭﻓﻰ ﻛﻞ ﻣﺤﻔﻞ ﻟﻴﻬﺎ
ﻋﻴﻮﻥ
ﻋﺎﺷﻘﻪ ﻣﻨﺎﺻﺐ ﺍﻟﺪﻭﻟﻪ ( ﺍﻟﻀﺎﻋﺖ) .... ﻭﻣﺎﻫﻤﺎﻫﺎ ﺍﻟﻨﺎﺱ
ﺍﻟﺠﺎﻋﺖ ... ﻣﺎ ﻣﺴﺌﻮﻟﻪ ﻋﻦ ﺍﻟﺒﻜﺎﻧﺎ ...ﻭﻫﻤﻬﺎ ﺃﺑﺪﺍً ﻣﺎﻫﻤﺎﻧﺎ ....
ﻛﺄﻧﻪﺍ
ﻳﻮﻡ ﻣﺎ ﻋﺎﻳﺸﻪ ﻣﻌﺎﻧﺎ ... ﻭﻋﺎﺷﻘﻪ ﺍﻟﺴﻠﻄﻪ ﻋﺸﻖ ﻣﺠﻨﻮﻥ !! ﻟﻴﻬﻢ
ﻏﺮﻩ ... ﻭﻋﻤّﻪ ﻭﺷﺎﻟﻮ ﻟﻴﻬﻢ ﺳﻄﻮﻩ ﻭﻋﺰﻭﻩ ﻭ ( ﺁﻝ) ؛ ﻣﺸﻐﻮﻟﻴﻦ ﺑﻰ
ﺟﻤﻊ ﺍﻟﻤﺎﻝ ﻣﺎ ﺑﺘﻔﻘﺪﻭﺍ ﻟﻸﺣﻮﺍﻝ ﻭﻓﻰ ( ﺍﻟﻘﻌﺪﺍﺕ ) ﺷﻴﺎﻟﻴﻦ ﺣﺎﻝ
****
ﺣﺘﻰ ﻗﺮﺍﻳﺒﻚ .... ﺧﺎﻟﻚ ....ﻭﻋﻤﻚ ﻭﺣﺘﻰ ﺃﺧﻮﻙ ﻣﻦ ﺃﺑﻮﻙ ﺃﻭ
ﺃﻣﻚ
ﻳﻘﻠﻊ ﺣﻘﻚ ﻏﺼﺒﺎً ﻋﻨﻚ .... ﻭﻳﻜﺒﺮ ﺣﺰﻧﻚ ﻭﻳﻜﺘﺮ ﻫﻤﻚ ﻳﻌﻤﻞ
ﻓﻴﻬﺎ
ﺍﻷﻛﺒﺮ ﻣﻨﻚ ... ﻭﻳﻌﻤﻞ ﻓﻴﻬﺎ ﺍﻷﻓﻬﻢ ﻣﻨﻚ .... ﻭﻳﻌﻤﻞ ﻓﻴﻬﺎ
ﺍﻟﻤﺴﻮﺅﻝ
ﻋﻨﻚ ... ﻭﺳﺎﻋﺔ ﺍﻟﺠﺪ .... ﻳﺘﻐﺎﺑﻰ ﺍﻟﻌﺮﻓﻪ , ﻭﻳﻨﻜﺮ ﺩﻣﻚ
*******
ﻭﻣﺎ ﺗﻬﺘﻤﺎ .... ﺃﻳﻮﻩ ﻋﺸﺎﻧﻚ ﻣﺎﺗﻬﺘﻢ ﺯﻳﺪ ﺇﺻﺮﺍﺭﻙ ﻭﻋﻠّﻰ ﺍﻟﻬِﻤّﻪ
ﺣﻘﻖ ﺣﻠﻤﻚ ﻭﺃْﺻَﻞ ﺍﻟﻘﻤﻪ ﻭﺧﻠﻰ ﻗﻌﺎﺩ ﺍﻟﻨﺎﺱ ﻓﻰ ( ﺍﻟﻠّﻤﻪ )
ﻳﺤﻜﻰ
ﺃﺣﺎﺟﻰ ﻣﻨﺎﻙ ﺍﻟﺘﻤّﻪ ﻭﺑﻜﺮﻩ ﺃﻛﻴﻴﻴﻴﻴﻴﻴﺪ ......ﻣﺤﻞ ﻣﺎ
ﺗﻘﺒﻞ ... ﺗﻠﻘﻰ ﺍﻟﻨﺎﺱ ﺗﺒﺴﻢ ﻗﺪﺍﻣﻚ ﻭﺗﺤﻠﻒ ﺇﻧﻚ ﻋﺎﻟﻰ ﻣﻘﺎﻣﻚ
ﺗﻜﺘﺐ ﻓﻴﻚ ﺃﺷﻌﺎﺭ ﻭﻏﻨﺎﻭﻯ ﻭﺗﻨﺴﺞ ﻟﻴﻚ ( ﺃﻓﻼﻡ ) ﻭﺣﻜﺎﻭﻯ ﻻ
ﺗﺘﺬﻛﺮ
ﻋﻨﻚ ﺷﻴﻨﻪ ... ﻻ ﺗﻬﺪﻳﻚ ﺃﺧﻄﺎﺀﻙ ﻭﻋﻴﺒﻚ .. ﻛﻞ ﺍﻟﺘﻌﺮﻓﻮ ﻧﺎﺱ
ﺍﻟﺪﻧﻴﺎ ﻋﻨﺪﻙ ﻛﻢ ﻳﺎ - ﺳﻴﺪﻱ - ﻓﻰ ﺟﻴﺒﻚ ؟؟