منتديات صديق بشير

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات صديق بشير

منتديات صديق بشير

منتدي لكل جديد ومفيد اغاني ــ برامج ـــ قنوات ـــ العاب ــــ تعاليم عامة ـــ خدمات للكمبيوتر ــ وكل شي

الرئيسية

المنشورات

المنشورات

أحدث الصور

"اضغط هنا للتقديم اللالكتروني للجامعات السودانية"
"إعلان هام للزوار سجل الأن في المنتدى وانتظر تفعيل حسابك من قبل الإدارة في أسرع وقت ان شاء الله او اذهب مباشرة للايميل الخاص بك

معلومات تخصك

منتديات صديق بشير :: منتدي الشعر المكتوب

كلمات:ابراهيم الكاشـــــــــــــــــف

اذهب الى الأسفل

كاتب الموضوع

رسالة

صديق بشير
مدير المنـــــــــــــتدي

الجنس :

المساهمات : 1137

نقاط : 12577

مسجل منز : 10/07/2012

العمر : 32

الدوله : السودان

بطاقة الشخصية

الوسام الزهبي:

(3/3)

موضوع: كلمات:ابراهيم الكاشـــــــــــــــــف الأحد يناير 26, 2014 3:58 pm

كلمات:ابراهيم الكاشـــــــــــــــــف ‏13 مايو، 2010‏، الساعة ‏01:07 مساءً‏ عزة في هواك عزة نحن الجبال وللبخوض صفاك عزة نحن النبال عزة ما بنوم الليل محال وبحسب النجوم فوق الرحال خلقه الزاد كمل وأنا حالي حال متين أعود أشوف ظبياتنا الكحال عزة ما سليت وطن الجمال ولا ابتغيت بديل غير الكمال * * * وقلبي لي سواك ما شفتو مال خذيني باليمين وأنا راقد شمال عزة ما نسيت جنة بلال وملعب الشباب تحت الظلال ونحن كالزهور فوق التلال نتشابي للنجوم وأنا ضافر الهلال عزة جسمي صار زي الخلال وحظي في الركاب صابه الكلال وقلبي لسه ما عرف الملال أظنه ود قبيل وكريم الخلال عزة ما اشتهيت نوم الحجال ولا السوار بكي في يمينا جال وعزة في الفريق لي ضيق مجال قبيلة بت قبيل ملأ الكون رجال * * * عزة شفت كيف نهض العيال جددوا القديم تركوا الخيال روحك أم سماح سري كالسيال شجو الفؤاد حيوا محسور الليال عزة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة ازداد جلال عزة في حذا الخرطوم قبال وعزة من جنان شمبات حبال وعزة لي ربوع أم در جبال وعزة في الفؤاد دوا يشفى الوبال أسمر جميل &&&&&&&& أسمر جميل عاجبني لونه .. وكحل سواد الليل عيونه ................................................ عالي النخيل ما ضقنا تمره ..اسمر جميل ما حن عمره جسمي العليل استحلى جمره .. شرع الغرام طايع لامره .......................................... أسمر جميل بادي الوسامة ..زانت جمال خده ابتسامة فوق الخدود عاجباني الشامة .. من العيون الله السلامة ................................................. اسمر جميل فتان بريده .. كل الخلوق تتمنى ريده فن الدلال ياناس بجيده .. عقد القلوب منظوم في جيده بـإسـم الـحـب أقــدم لـيك حـياتى حـيـاتى ومـعـاها الـعـطف الـجزيل بـإسـم الـحـب أقــدم لـيك حـياتى عـليك يا حب تحياتى عليك أوقفت غاياتى لـحبى أضـحى بحياتى أحب الحب وأيامه وذكـرياته وأحـلامه ومـا يوحيه إلهامه حـياة الـحب أسميها السعادة بكل معانيها أقـيم ليلاى أغنيها روح يا لليل تعال يا ليل أحـب فـى كل أوقاتى ألاقى حبيبى يوماتى أقـول ليه ويقول لى العهود بيناتنا iiمرعية أقـول لـيه تـعال لى نجلس جلسة غزلية أمـتع فـيك عـيني أشوفك وأنسى ألامي وأقول حققت أحلامي على تميل وعليك أميل فـيك أمـعنت نظراتى وجدتك كل مسراتى وأفـراحي وملذاتي أحبك وأنسى فيك ذاتي حبيبي أراعى تقديسك ويرتاح قلبي لحديثك حديثك يشفى العليل والله يا السامي الجليل الـحب الـصادق قـليل البشبه حبي النبيل فـبـدون جـمـيل أهــوى الـجـميل الليل الليل ما بنومو كأني أنا حارس نجومو طول يا ليل وهود عاجبني طول الليل الليل نسيمو عليل الليل سكونو جميل الليل به النساك تتأمل الأفلاك يا ليل الليل به العشاق تتذوق الأخلاق تتناجى بالأرواح ولشدة ما ترتاح ما دايرة تاني صباح الليل الليل ما بنومو كأني أنا حارس نجومو أنا راصد كواكبه تائه في ظلامه سابح في خيالو سارح وما عاشق جماله بس لي فيه ذكرى وماخد عنه فكرة يكون فيه التلاقي وانظر فيه حبي الحابيهو قلبي ينظر ما يلاقي الليل الليل ما بنومو كأني أنا حارس نجومو ويا ليل يا ليل يا ليل يا ليل بالله عيرني سماع احكيك حبي الضاع وتغير الأوضاع هويت محاسن إنسان في غاية الإبداع يا ليل عاهدني حبيته ووجدته عهده خداع قت ليهو الوداع يا حبيبي الوداع الوداع الوداع يا سميري الوداع الليل الليل ما بنومو كأني أنا حارس نجومو فتنت بيه .. عشقته ليه فتنت بيه .. حبيتو ليه كان مالي انا مالي بيه ....... فتنت بي حسنه البديع عشقته لطبعه الوديع حبيته لادبه الرفيع صرعت بلحظو المريع بلحظو ياما كم صريع وحبيبنا تايه ما عليه ........ فتنت بيه .. عشقته ليه فتنت بيه .. حبيتو ليه كان مالي انا مالي بيه ........ في خدوده فتحت الزهور في جبينه أشرقت البدور بشوفته تنشرح الصدور خلقوه زول وكسوه نور من شدة الحيا والسرور ذادوه ذوق وهدوه تيه .......... فتنت بيه .. عشقته ليه فتنت بيه .. حبيتو ليه كان مالي انا مالي بيه .......... فتنت بوجهه الصبيح هويته بالمعنى الصريح حبيته حب ابن الزريح قول للعزول فيق واستريح آويته في قلبي الجريح ما دام بريده بخاف عليه ............ فتنت بيه .. عشقته ليه فتنت بيه .. حبيتو ليه كان مالي انا مالي بيه يا حبيبي قوماك ننفرد ************** يا حبيبي قوماك ننفرد .. على مقرن النيل الظليل الروض بسم .. والطير غرد .. والطقس لاحر لابرد والشمس أبان الشروق .. هنا يا الحبيب نجلس نروق ***************************** نور الصباح بدأ وانتشر .. ومن المنام صحت البشر أما السواقي بدت تسوق .. والشمس طلت نورا فوق أجمل صباح ذاد قلبي شوق .. أنت الحياة .. وأنا ليك عشوق ****************************** شوف توتي يا المحبوب بدت .. كالطفلة باكية تنهدت ضماها ذا النيل الشفوق .. والطير عمل في نخيلا سوق والقمري غنى بكل ذوق.. رحلتنا يا سيدي أنتهت .. لازم نعود عند الأصيل سالب فؤادي و ما عليك و انا في جحيم مستاف اليك يا من احبك و اصطفيك انا لي روح مفتونه بيك هل مره بين بمنزرك و اسحر لكل من ينذرك يا اسما غايات الوجود كل الخلوق تتشابه ليك كل الجمال وهبوه ليك و جعلو السحر في مغلتيك خلقوك آيه من الجمال خفه و رشاقه و طيب خصال يا من بحبك اكتفيت مفتون هواك والجرحوني سهام عينيك اتمنا همس البين اديك و تسالني عن اعجابي بيك تلقاني مخلص في هواك لم اوهب الحب لسواك يا نور حياتي و دنيتي ذلموي بلقالوه ليك ذلموني بلقالوه ليك ا حبيبي بل قالوه ليك عودتني غيابك عودني قربك يوم عودتني غيابك و اليوم عي يطول و يطول كانو الحول و في يوم تجيني و انسى في فرحه المزهول الامي فيك تكسا و تسور علي و تلوم كانك المظلوم رغم العذاب واللوم فللحذه ديك تغمرني سعاده المحروم اطرب لالفاذك و اتهنا بعتابك مدام بجيبك لي يا ريد عتابك لوم بطير بفوق بطير بفوق بغرب السوق اشوف زولي و ابل الشوق اطوف بلحي و اقول اراي مليح الزاي خفيف الروح سليم الزوق تغر عيني اعاين ليه و يعاين لي و يشعر بي يسر حالي و يفيض بالي و دمي يروق اطير... ناري يا نار البتوحي الناس العيون ياحبايب هن أساس الريد والفتون العيون البيض لو صفن يجرحنك ويتلاصفن مرة نظرن لي أوقفن شالوا نومي وما أنصفن العيون السود كاحلات في دلالهن متهاملات يجرحنك ما سائلات يتركنك متجاهلات العيون الفيهن نعاس هن أساس معنى الجناس هن بثيرن في الناس حماس هن بقودوا الزول للجنون جنني يااخي العيون ياحبايب هن أساس الريد والفتون تحت فيحاء الخميلة كنا والأطيار تغني ترقص الأطيار تمنى بيننا أوجه جميلة كلما العصفور يغرد والنسيم يهفو ويبرد تزدهى الأقمار تورد واحدة صاحية وواحدة وسنى وواحدة فاترة فاتنة حسنه فى غفلة الدهر أختلسنا نحن بيناتن جلسنا جلسة ما منظور مثيلها عندما أتلاقت عيوننا تهنا واتوافت ميولنا وأنضوينا بين أحضان الجنينة فوق أعشابها الحنينة من سلاف الحب رشفنا أرتوينا و قلنا يا ساقينا لحظة أم كؤوس الراح سقينا ورحت تلعب بى عقولنا كلما قامتك تميل وترنو عيناك الكحيله الغيم أرسل سدوله ونسيم شمبات يأرج ويعرج من حقوله جداول الموية كابه ونسايم العزرى هابة كل زول مفتون بى زوله عيون لى عيون محاربة وشفاه لشفاه مقاربة وزى ما الناس يقولوا خليهم يقولوا حلات الجمعة يومها وحلو شمبات مقيلها ازاك يا عيونى جزاك درت السهر لى روحك براك ورينى كيف زدتى إنهمال ورينى ليه شفت الجمال مسحورة بى سحر الدلال مفتونة بى عيون الغزال الله لا يهدى الكان هداك الليل ليك كم ليل ويوم ولهانة سهرانه النجوم فى سيل دموعك عايم عوم لا شايفة زول لا لاقية نوم يا عيونى ايه الكان هداك تتشابي لى شوفة الملاك سببت لى يا عيونى نوح وهديتى لى قلبي الجروح هزيتى جسمى أذيتى روح وبعدت بى عن النصوح وقعت فى شراك الشباك وأحترت كيف أعمل معاك أفكاري الحيارى وتاهت باختيارا حبيبي آه قلبي تاه في يوم الزيارة الدنيا وعمارا الجنة ونعيما بزهورا وثمارا فصود في خدود يضون وخدود بدون أمارة يرسلوا نور ملون أحمر أخضر أصفر فاتن يا سمارا حبيبي آه قلبي تاه في يوم الزيارة التفت وأهداني تظرة تزري بالزهر اذدهارا مثلت فيها البراعة وخفة الروح والمهارة الشغل عقلي بفنه نظرة مني ونظرة منه وارتفعت الحرارة والتهبت العواطف وأصل النار شرارة حبيبي آه قلبي تاه في يوم الزيارة ماهو عارف البي لانه لسه نونو حوله ناس بالعيد يهنوا ناس متابعنه ويهنو وانا روحي ليه تهوم داعيها حادي الشوق هايمة بليلها ونهارها وانت يا الناعسات عيونك الله لعيوني السهارى حجبوه من عينى إلا من قلبي لا ما قدروا حجبوه حجبوه من عينى وضاروه حاسدنى بقو بينه ما بينى لا أدرى ما ذنبي منعوه من حبي وبعدوه من قربي وابو لا يبارحوه حجبوه من عينى إلا من قلبي لا ما قدروا حجبوه هو منطقى وذوقى سموه معشوقى الليهو زاد شوقى مع أنه فى قلبي هو الوحيد حبي يا عوازلى وصحبي بس ما تشوفوه حجبوه من عينى إلا من قلبي لا ما قدروا حجبوه هو ما بتشوفه عيو ن وما حاموا حوله ظنون وديع رقيق وحنون هو القطعة الشيقة والشمس المشرقة والنار المحرقة أهو رمزى حلوة يا ناس حلوه غصباً عنك يلفت نظرك مهما تحافظ وتاخذ حذرك تصبح عاشق غصباً عنك طعم شوفته يحلو في نظرك تفرح جداً لوكان نظرك تفتكره ملاك إنتظرك في مناظره يلوح نظرك تقول ليه ومنشرح صدرك الحسن كله أتفصل قدرك البدر شفناه النور في بدرك اصلو ما أتطاول قدره لقدرك إن يوم في العمر الحظ نصرك وفي نعيم حسنه أتمتع بصرك تصبح أسعد أبناء عصرك وتملأ عيون كل من بصرك إنت في قربه تأمن دهرك يامحظوظ يومك وشهرك حلو الدنيا يجري في نهرك وأيامك باسمه وزهرك إنت في قربه الناس تعتبرك الموفق والمسعد وأبرك بالنعيم أتعوض صبرك والشباب العاد في كبرك يا حبيبي قلبي حاب رحلة بين طيات السحاب وحدنا أنت وأنا حبيبي خاف يوم الذهاب في بساط الريح المهاب حبيبي عاتبني سميري عاتبني وبعيونه كان العتاب وللاحباب لغة العيون أبلغ خطاب قال لي ألمس قلبي ذاب أنا خايف و انت شايف طوينا الجو طي الحجاب و بقو لينا الانجم قراب من هنا جن جمبنا انت و انا احدث ما عرف الوجود اشبه بنعيم الخلود الفي الكتاب عشان رضاك عشان تقول و اقول معاك انشوده الهوه و الشبب الحب نما و بلغنا اشباب السما سبحنا فل علا كالشهاب و بنشوف العالم رهاب تحتنا و يهتف لنا يا بختنا انت و انا عدنا و بينا ما طال الغياب من رحله طي الاثير مع السحاب وصلنا جهة معينة مين زينا انت و انا يا بختنا إتخذنا الآفاق رحاب وأتخذنا الأنجم صحاب شربنا كاسات الهنا دور منهن و دور مننا انا آه ناري انا انا ناري ناري انا ********** الله يرحمك يا الكاشف حيرته افكاري معاك انت انت وين يا سيدي اخذ الرياض لطفك ا سيدي و النسمه ن ذرفك يا روحي اسكرني طيب نفسك يا سيدي يا فتنه يا مغري يا باسم الزهير يا طلعت الفجر يا دنيا من زهري انت وين يا سيدي يا الخمر في لونك يا سيدي ساحرني بعيونك يا روحي كل شائ جميل دوك يا بدري يا فتنه يا مغري يا باسم الزهري يا طلعت الفجر يا دنيا من زهري انت وين يا سيدي كل الشمس في علياك يا سيدي سامي و جهرني ضياك يا احبي اسكرني طيب رياك يا سحري يا نوري يا ناري بهماك و ما داري ناسيني ليك طاري و ساكن قريب جاري انت وين يا سيدي حيرته افكاري معاك انت انت وين يا سيدي أنا يا طير أنا ياطير بشوفك فرحان وبتغني وحبيبك معاك وحبيبي غاب عني أنا ياطير موله محزون لاني وحيد حبيبي غايب و آه يا طير و تاني علي مصايب من ادهى الغرايب لي اجمل حبايب صدوا وراحو مني أنا ياطير حبيبي للآلام تركني وبدلل عليّ وبالهجران هلكني زعلان مني صد وبرايه استبد اتناسى المودة واعتاد التجني ياري كنت زيك لو يجدي التمني حبيبي يكون معاي وفي الاشجار نقيل وبالاغصان نميل بخفة جناحك وحرية سراحك في الافنان نغني انا يا طير انا يا طير بشوفك لى حق اذا اتهمتا فؤادى عندك انت ياحبيبى انا بيك افتنتا حبيب الروح سلمتا انا بي لو علمتا انا الامين وافى وليك ودادى صافى ياملهمى القوافى ولكل معنى وافى زى بسمة الازاهر فى نظرى ابتسمتا زي نقشة الخوات م فى قلبى اترسمتا ياحبيبى انا بيك افتتنتا اقوليك اذا سمحتا انا شايفك حبيبى شايفك انا شايفك تبهرج كل ما ليك لمحتا كضوء الفجر لحتا كزهر الروضه فحتا وزى اغصانا محتا ياحلو المناظر و ياساحر النواظر ان نظروك فرحتا و بلنذرات جرحتا يا حبيبى انا بيك انفتنتا بدر الحسن انتا وبين الناس عرفتا ان وصفوا المحاسن بس معاهن وصفتا انا بعيونى شفتا وصادق ان حلفتا من تاثير عيونك خديتنى ورجفتا ومن تاثير عيونى على خديك فقتا انا انا انا نارى انا ناري نارى يا تومي لى حق اذا اتهمتا فؤادى عندك انت ياحبيبى انا بيك افتنتا حبيب الروح سلمتا انا بي لو علمتا انا الامين وافى وليك ودادى صافى ياملهمى القوافى ولكل معنى وافى زى بسمة الازاهر فى نظرى ابتسمتا زي نقشة الخوات م فى قلبى اترسمتا ياحبيبى انا بيك افتتنتا اقوليك اذا سمحتا انا شايفك حبيبى شايفك انا شايفك تبهرج كل ما ليك لمحتا كضوء الفجر لحتا كزهر الروضه فحتا وزى اغصانا محتا ياحلو المناظر و ياساحر النواظر ان نظروك فرحتا و بلنذرات جرحتا يا حبيبى انا بيك انفتنتا بدر الحسن انتا وبين الناس عرفتا ان وصفوا المحاسن بس معاهن وصفتا انا بعيونى شفتا وصادق ان حلفتا من تاثير عيونك خديتنى ورجفتا ومن تاثير عيونى على خديك فقتا انا انا انا نارى انا ناري نارى يا تومي

الرجوع الى أعلى الصفحة

اذهب الى الأسفل

https://sedeg.yoo7.com

كلمات:ابراهيم الكاشـــــــــــــــــف

الرجوع الى أعلى الصفحة

صفحة 1 من اصل 1

مواضيع مماثلة

» كلمات انجليزية مترجمة
» ابراهيم عوض
» القارئ ابراهيم الاخضر
» القران كامل بصوت ابراهيم الدوسري

صلاحيات هذا المنتدى:

لاتستطيع الرد على المواضيع في هذا المنتدى

منتديات صديق بشير :: منتدي الشعر المكتوب

انتقل الى: