عد ما اتعود قلبي عليك هان عليك تفوت ترحل
بعد حبيتك وسكن هواك جواي بقيت ما بتسأل
طيب ليه من الاول خليتني من عذب العيون انهل
ليه هديتني ورودك وليه خليتني احس اني حبك الاول
………………
بعد ما اتعود قلبي عليك هان عليك تفوت ترحل
وعدتني انك تعود بعد الغيبة وتسعد دنييانا زي اول
رجيتك بي لهف مشتاق ماقدر لي بعادك قلبو يتحمل
يمنّى النفس بي لقياك ويشوف عينيك وقت توصل
...............
بعد ما اتعود قلبي عليك هان عليك تفوت ترحل
بريق الفرحة يتدفق تسيل اماني الشوق جواي كم جدول
ولما تتلاقي العيون شلال فرح غامر يبدد عذاب فراق طول
بهواك في صمت الليالي وبتعذب خائف ريدك عني يتحول
................
بعد ما اتعود قلبي عليك هان عليك تفوت ترحل
خائف تكون لقيت زولا غيرى يأنس وحشة لياليك وماتسأل
قلبي بين ايديك يتأوه وخائف في زحمة الايام تخلى وترحل
زكريات هواك لسا معاى وحروف اسمك عقدة مابتتحل