ما انصفوك
♥♡♥فيصل محجوب محمد
وصفوك بالبدر
لكن ما انصفوك
البدر احجار
ﻻ عندو حس
ﻻ ليهو زوق
وانتي فوق البدر
زايد علوك
انتي روعة
مكتوبة اية
الحسن فوق
انتي الﻻلئ
فوق تيجان الملوك
وايه الﻻلئ قربك تكون
ليك الملوك مسيوقة سوق
عطرك ورود
وحتي الورود مابيشبهوك
انتي الربيع
البيسقي في الورد العروق
نورك شرق
شموس الكون يتباهو بيك
ياخدو من نورك ضياء
رغم بعدك والفروق
تجري العيون
تاخد زﻻلا من عسجديك
تروي الحقول
ليها كل الخير تسوق
رمشك فراش
يحلق يحوم علي وردتيك
ينهل رحيق
من كأس مدامك الدفوق
وانا في زخم الجمال
اكتب حروف اهديها ليك
من غيرك محال
اروي عيني او أشاور لي نجمة فوق