شعر سوداني جرح الايام

جرح الايام منو البداويهو
لا انت بتقدر ولابقدر اداريهو
*******
جرح الايام انا الحاسيهو
وانت مشغول بدلالك ناسيهو
*******
براي بتالم وقلبي عرف ماضيهو
انت الماضي العايش فيهو
*******
انت الذكري البتناديهو
ماقادر ينسي كيف حباك
واتكبرت انت عليهو
*******
اظنك فاكر اول يوم قبلي تناديهو
بي رمشة عينك كنت تلاغيهو
*******
اظنك فاكر ماناسيهو
جيتك شايل الشوق ضاميهو
*******
واتخيل لي بحلم بس تارهو ..
نداك حقيقة
لكن غاب عني الناويهو
*******
جواك ماضامر الريد تديهو
وقلبي مع خلانك راهنت عليهو
*******
وكنت انا ضحية جنيتي عليهو
بشباك الحب الزائف شبكتيهو
*******
بكلام معسول اتملكتيهو
طلبتي قليبو
اداك روحو وهبك عينيهو
*******
وبعد نتفارق تتقلبي عليهو
بين خلانك انت اميرة
ما قلبي حصلتي عليهو
*******
لكن الصدفة خلتني قريب من تيهو
وسمعت مكايد القلب الانا حابيهو
*******
بكبت جواي لكن ماعليهو
علي قلبي الصدق
سراب في قلب صحارهو
*******
علي عينوني الكان ضيها عينيهو
علي كل لحظات
عشتها بي شوق راجيهو
*******
بيلعب بي قلبي اتاريهو
الزول العائش في تيهو
لكن بجي يوم والايام بتوريهو
*******
عذاب الريد العشتو
ولسع ضاميهو

» دع الايام للامام الشافعي
» شعر سوداني عزبتني
» قصيدة انا سوداني
» شعر سوداني ما انصفوك
» كليب سوداني