--------------------------------------------------------------------------------
بفرح بيها
البنيه الهاجده في احضان خواطري ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها
ليها بتحن القوافي ... فيها تندس المرافي
الجمال الشايفو فيها
في رحاب دنيتنا مافي
جايه من فوق البنيه
ولامست إيد السعاده .. وضجت الأشواق عليها
بفرح بيها .. بفرح بيها
______________________________
زمان
من زمن مستني عوده قلبي رايح
كنتا بكتب ليهو بي بدمي الرسائل
قلتا فيهو اشعاري واتعزب ضميري
كلو كلمه حنان يفيض يغمر صدوري
كلو حرف كتبتو من اعماق شعوري
افتكرتو يرد رسالتي يرد يطمني بخطابو
ما خطر في بالي ياسرني بعتابو
نسا اول مره دا اغراني بي شبابو
وكل ما يدلل يزيد اعجابي بيهو
كنتا شايف الجنه في نظرات عينيو
كل اسباب السعاده الكنتا انا بتمناها ليهو
كان من قلبو دا لو يرحم عزابي
الدليل انا شايفو عايش في خطابي
كل ايام عمرو لحظات الهنيه
حاول يخفي شعورو ويدلل علي
________________________
مداخل ريدك
ختي يمينك في ايدينك يشرح قلبي مداخل ريدك ترسخ في جوه الشوق وتجيني
سيبي عيونك اسرح فيها بكل رقه وتسرح فيني
خلي وضه محيك تغسل همي وتضوي جبيني
انسي ظلالك في دنياي ترسم زهره شزاها حنيني
ضمي حروف الشوق السارحا كانت تايها وكاتما انيني
بكره بيكبر عهود امالنا يفرض نفسو دليل لي يقيني
تبدا الفرحه تبرعم تاني تبقي منوره باقي سنيني
____________________________
بسأل عليك
بسأل عليك حزن الشفق
وقت الخيال ينعس ينوم يتوسد أحلام الأفق
ورعشة الليل الطويل آهة الشوق والأرق
بسأل عليك لما السؤال يصبح سفر
بلقاك في فيض الأماني الذايبة في رنة وتر
في لمحة الطيف البعربد مرة بالخاطر عبر
ورعشة الأمل البفوح يتلاشى زي لون السحر
مطوية في حضنو المسير مخفية في صدف البحر
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة
_________________________
تباريح الهوى
ده الجانى منك ومن تباريح الهوى ،
وصفو بصعب يا جميل
وبعدت عنك ، ولما طال بى النوى ،
بقى لى أسيبك مستحيل ،
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتى ، او حتى فى عز المنام
ويبقى اسمك هو الغنا
هو البجفف لى عذابات الضنى
ما الشفتو منك يا منى الروح يا أنا ،
وصفو بصعب يا جميل ....
وبعدت عنك .... ولما طال بى النوى
بقى لى أسيبك مستحيل
بشكى ليكم يا مظاليم الهوى
أصلى مجروح مرتين ،
يمكن القى الزيى فيكم
ضاق جراح الحب ومتعذب سنين
ويمكن القى وصفة تنفع ..
ولا يمكن القى حاجة تخفف الجرح القديم ..
حاجة تشفع ..
ده الجاني منك ومن تباريح الهوى
وصفو بصعب يا جميل
وبعدت عنك ، ولما طال بي النوى
بقى لى أسيبك مستحيل
_____________________________
--------------------------------------------------------------------------------
خِلي العيش حرام
خلي العيش حرام مادام أرى الموت يحل
مابين الرميش فوق للطريف الكحيل
هز صدرو ميل فدع الخصر النحيل
درّاج المقل شبه المهر الوحيل
النوم مني فرّ وقلبي ناوي الرحيل
من غير المنام طيف الخيال مستحيل
ولا لان إشتياقي وقلبي أصبح وجيل
ولا من جمال يرفع لي قدرك يجل
يشتاق الهلال ينصاع لي قدمك حجل
بنخوض الرماح لوكان تزيد أو تقل
ونخاف من ضميراً أهيف منفتل
ونقابل المدافع بالثبات والعقل
ونخاف سيف عيونو إن لمعت يضرب صقل
يالمنك معار تكحل شويدن الخميل
علمت الغصون مع الغصون كيف تميل
مختارك رعاك في عشو ودمعو الهميل
التختارو لي لاشك جميل ياجميل
____________________
راقصين التويا
راقصين التويا كلمو لي أبوي
خلي النزور التونكي أجيب لي قصعة موية
*******
أخويا يا الطمباري قوم غني لي جراري
أنا بركب اللواري بتابع القماري
*******
الراكب الشبرية بالله حن علي
بفارق المدينة وأتابع السعية
*******
كردفان أرضنا وشوف جمال ظباها
بابانوسا قميرة عمري ما بنساها
_________________]
سكت الرباب
سكت الرباب قبال يقول غنواتو بي شوق يهمسا
لما النغم الكان بدغدغ فينا إحساس وإتنسى
علمنا أشواق العصافير للمغارب والمساء
ياحليلو عاد حسو الحنين مابقول همسة شفايف
والعيون لغة الاصابع الراعشة ساعة يلمسا
فقدت ليالي الشوق نجيماً زين صفاها وآنسا
أحبابي كيف سآلين عليك
قالوا الرباب ياناس قسى
خلانا لي نار القسى واخوفي من طول الطريق
أمشيهو كيف بين المغارب والمساء
سكت الرباب سكت الرباب
___________________
سيب عنادك
في نعيمك وأنت هاني
يا البقيت سلطان زماني
أنت ليك حبي وحناني
مافي غيرك ريدا تاني
ما تسيب عنادك ما كفاني
******
أنت ليه ليه ليه ديمة ناسي
والزمان علي قاسي
أنت يا ربيع حياتي
أملي فيك رغم المآسي
ما تسيب عنادك ما كفاني
____________________
عشان نغني
عشان نغني نسوقا خيلاً للتمني
كوني أنهار العزايم حركي الموج للمغني
وأبدي مني رحلة هوى لافاتا زول لايصلني
تدخل شمس معنى القصايد وندخل الحب والمعاني
نبقي واحد الحدايق للرضا والشوارع للصبا
وزي ما الأصابع متنوعة نبقي إيد تحلم تغني
ونبقي إيد تفرح تغني
لي فوق يانيل لي فوق هناك
لي فوق ياخيل لي فوق سماك
لي فوق يابلد عشان نغني
_____________________
لقيتك
لقيتك في زمن ضائع صرخة في الماضي الخرافة
جيتني من عمق المواجع من شقى سنيني وجفافة
كلما ألقاك وحاتك ألقى دي السكة البخافة
*******
العمر يا غالي ودع لملم الآموا وجراحوا
عدى بي كل المرافي ودى للحاضر صراحو
قلبك الغلطان معاهو الله يغفر ليه ويسامحوا
*******
جيت تقول البينا روح عدى بي مرو وشقاهو
ولاهب القلب المجرح بي ربيع عزو وهناهو
وياما كم بي حبو صرح أشقى دا العكر صفاهو
*******
الحروف كانت تناجي همسة الصمت العابر
كنتا بستجدي العواطف زي مشرد حظو عاسر
العواطف هي هي ذكرى مرة وجرح كافر
___________________________
منو القال ليك
منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك
____________________
--------------------------------------------------------------------------------
ليها
لو تعاين ليها تملا ود عينك
لو تعاين ليك ربنا يعينك
*******
في الجمال معدوم البساويها
ومن زمن مشتاق قلبي هاويها
ديمة ظالماني ،، محتكم ليها
لو تخليني ما بخليها
*******
للجمال نشتاق نشتهي نعاين
ما بنتكلم والجميل باين
لو عذاب الناس للجميل هاين
الله يغفر ليهو ما بنقول خاين
*******
أنتكت بانة وأتوقلت ريلة
من لطف روحها الهوى الهيلا
نسمة فواحة ،،، والجمال هيلا
والبيتجاسر عينو بتكيلا
********
للجمال أحكام تحكما سلوكوا
وفي القلوب أحكام تصدرا ملوكوا
إلا حسادوا ،،، لو بدر قولوا
ما بسيب حبو ياني مملوكو
________________________
احلي سنين
ـــــــــــــــــــــــــــــــــــ
رغم احساسي بي بـــــعدك
هناك في الغربه شلته حنين
رغم الكــــــــــان قبل القاك
مشيت في هواك احلي سنين
ــــــــــــــــــــــــــــــــــــ
صـــوتك نغمه في جــــواي
تزيد احســــــــاسي بالبهجه
اشـــــــيل اوراقي واكتب ليك
حروف با لـــــريده مبتـــهجه
تقول ياحلوه مشتــــــــــــاقين
هواك في بالي والمهجـــــــــه
لوانساك يضيع عـــــــــمري
تروح افكاري واللهجـــــــــة
ـــــــــــــــــــــــــــــــــــــــ
جيتك مره بالاهــــــــــــــات
سألتك بي فرح دفــــــــــــاق
لقيتك انت اجمــــــــــل زول
لقيتــــــــــك انت اروع زول
تلوحي بي قليب خفـــــــــاق
تطل البسمة من عينيــــــــــك
تملي قليبي بالاشـــــــــــــراق
لانك انت ست الكــــــــــــــــل
ونبع الريدة والاشـــــــــــــــواق
________________________
طـــــــــــروني ليك
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
الا تارى البينا للسا مانسيتو ولا نسانى
فجاء اتذكرتو ريدنا والزمان الكان معاكا
والمشاوير والامانى والفرح ساعات لقاكا
حتى قلبى القال نساكا مالو زى المانساكا
صحى جرح الماضى تانى من جديد هسع بكاكا
طرونى ليك من تانى اندم زى كانى كنت ظالم
لمت نفسى وقلت ياريت لو الظروف بتلمنا تانى
طرونى ليك انا كيف ظلمتك
لم جيت غلطان وراجع طرونى ليك
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
الا تارى البينا للسا مانسيتو ولا نسانى
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
الا تارى البينا للسا مانسيتو ولا نسانى
فجاء اتذكرتو ريدنا والزمان الكان معاكا
والمشاوير والامانى والفرح ساعات لقاكا
حتى قلبى القال نساكا مالو زى المانساكا
صحى جرح الماضى تانى من جديد هسع بكاكا
طرونى ليك من تانى اندم زى كانى كنت ظالم
لمت نفسى وقلت ياريت لو الظروف بتلمنا تانى
طرونى ليك انا كيف ظلمتك
لم جيت غلطان وراجع طرونى ليك
طرونى ليك انا كنت قايل اصلى مابطراك تانى
كنت فاكر طول فراقك يمحو ريدك من زمانى
الا تارى البينا للسا مانسيتو ولا نسانى
الرئيسية 
المنشورات 
الجنس
المساهمات
نقاط
العمر
