شعر سوداني كفاية ارجع

كفاية ارجع
وليدي السافر من زمن
راجايهو يرجع
عيوني يفرحا
اكتبو الرسالة
ادوني ليها ارسلا
قولو ليهو امك من رحل
ومرت عليك كمين سنة
شوقا ليك ياالخزين
بالحيل مجننا
دميعاتا مايبسن وراك
وخايفة شوقك يكتلا
ارجع دحين قبل تمر السنين
ترجع تلقا البيت بلاي خلا
والله ياولدي الرطوبة
فوق كرعيا هي اساس المشكلة
وعيوني نواح الشوق وراك
مصًر دميعاتا وكملا
الشوف ضنين ارجع دحين
العتمة قبل رحيلك مابنخافا
دحين ياوليدي المغارب مابنحملا
مشوارنا مقضي وقت معانا
اسي مشاويرنا مين بتحملا
الكلمة الحنيني قتا القلب
منك كتير كت بسمعا
لكن اضاني اليلا من صوتك خلا
هديماتي كنت وقت اعجز
تشيلا يا الخزين وتغسلا
نعلي كنت وقت اقوم
بسرع تجري تلملما
تحت رجولي تختها
كتير في شق الاصبع تدخلا
لكن وراك مشي الحفا
قدد كرعيا وزلطا
اكو س النعال ووقت ما القاها
دميعاتي وراك اقشقشا
اقول حليلو جنا حشاي
ماكان بخلي كرعيا تراب تلمسا
شايلني شيل قلبي مبردو
دحين خلاص يا يجناي ارجع كفي

» شعؤ سوداني حسن المحاسن
» شعر سوداني عزبتني
» زنق سوداني جديد
» شعر سوداني مشتاق انا
» شعر سوداني حال الدنيا